بایرام

بایرام یئلى چارداخلارى ییخاندا  

نوْروز گوْلى ، قارچیچکى ، چیخاندا

آغ بولوتلار کؤینکلرین سیخاندا

بیزدن ده بیر یاد ائلییه ن ساغ اوْلسون

دردلریمیز قوْى دیّکلسین ، داغ اوْلسون

****

بایرامیدى ، گئجه قوشى اوخوردى

آداخلى قیز ، بیگ جوْرابى توْخوردى

هرکس شالین بیر باجادان سوْخوردى

آى نه گؤزل قایدادى شال ساللاماق

 بیگ شالینا بایراملیغین باغلاماق

****

بایرام اوْلوب ، قیزیل پالچیق اَزَللر

ناققیش ووروب ، اوتاقلارى بَزَللر

طاخچالارا دوْزمه لرى دوْزللر

قیز-گلینین فندقچاسى ، حناسى

هَوَسله نر آناسى ، قایناناسى

 

بایرام اس ام اسلری

بولودوز یاغار اولسون ، سولاریز آخار اولسون ، اوجاقیز یانار اولسون ، ایل بایرامینیز موبارک اولسون

بایرام گوزللیک دیر ، گوزللیک لر سیزین اولسون ، بایرام اوموددور ، اومودلرینیز گرچک اولسون ، ایل بایرامینیز موبارک اولسون

“یئنه گلیر نازلی باهار ، نازلی یاز  هامینین یازیسین بو ایل یاغلی یاز

جان ساغلیغی ، جیب وارلیغی ، اولوم آزمهریبان آللاهیم ، بئله یازی یاز.”  “تازا ایلینیز موبارک اولسون.”

“گوزل اینسانلار ، گوزل گونلرده یادا دوشرلر”بو گوزل گونده دونیانین بوتون گوزللیک لری سنین حایاتین دا اولسون…”  ایل بایرامی سنه موبارک اولسون

سیزی بوگون ایل  بایرامی مناسیبتی ایله تبریک ائدیرم.قوی همیشه بئله گوزه ل بیر گونده بیر-بیری میزه اس ام اس یازاق.قوی همیشه پول لاریمیز بئله شئی لره گئتسین. بایرامینیز موبارک 

 سیزه چوخ عزیز و دیرلی اولان ایل بایرامین تبریک ائدیرم.سیزه جان ساغلیغی، سوفره نیزین بول و برکتلی اولماسین آرزو ائدیرم، قوی بوتون آرزولارینیز یئرینه یتشسین، تورک بایرامینیزی تبریک ایدیرم!!!

کونلومده وار مین آرزو مین بیر دیلک،       گل باریشاق نازلی یاریم کوسمیک

با هم اولاق بایرام گونو بیز گرک                بایرام گونو اولسون سنه موبارک

آرزیم بودور غصه – غمین یوخ اولسون، اورک لردن دردلر گئتسین ، سئوگی پایئن چوخ اولسون!  ایل بایرامینیز موبارک

 بو تازا ایلده اوره یینده توتدوغون آرزولارینین گرچک لشمه سینی آرزو ایدیرم، بایرامینیز مبارک

سئوگیلیم بو بایرام مناسیبتی ایله اورک دن تبریک ائدیرم، بو ایل سنه  شنلیک لر  دولو اولسون 

یئنی ا ایلده. سیزه گون کیمی پارلاق، چای کیمی آخارلی یاشاییش  آرزیلایرام

 یئنی ایلین موبارک !  یئنی ایل سنه یئنی اوغورلار گتیرسین . یئنی ایلده سنه خوش آرزیلار و بو آرزیلارینین حایاتا گئچمه سینی آرزیلاییرام

بایرامینیز موبارک ! نئچه بئله بایراملار . قوی بو یئنی ایل سیزه و آیله نیزه سئوینج ، اوغور گتیرسین . بوتون کدرلی گونلرینیز بو ایلده قالسین . یئنی ایلده گوزل و شن گونلره چیخاسیز 

 شکر کیمی دادلی ، ناغیل کیمی گوزل بیر ایل آرزیلاییرام سنه . یئنی ایلده جان ساغلیغی ، اوغورلو گونلر اورک ایستگیم دیر . نئچه بئله بایراملارا
 بایرامیز موبارک ! اوره یینیز اومودلو ، اومودلرینیز آتلی ، سئودانیز قانادلی ، سئوینجیز قاتلی ، سوفرانیز دادلی ، مکان نیز تختلی ،عومرونوزبختلی ، ائوینیز برکتلی اولسون

  یوردوموزا آیاق باسمیش باهار، بایرامیزی تبریک ائدیرم . قدملری اوغورلو ، کونول اوخشایاجاق ائوینجلیگ.نلری بول اولسون . بایرامیز موبارک
 قوی بو طراوتلی ایل بایرامی سوفره نیزه روزی و برکتله ، قلبینیزی خوش حیسلرله دولدورسون  ، ساغلیغینیز محکم آرزیلارینیز سونسوز ، اومودلرینیز گرچک اولسون
یئنی ایلین موبارک ! او گون اولسون کی یئنی ایلده بوتون آرزیلارین یئرینه یئتیشسین 

استاد صراف تبریزینی ائتمه ییم نئیلیم شعری ؟

ائتمه ييم نئيليم؟ - صراف تبریزی

گؤزوم ياشين كؤنول قانيله مرجان ائتمه ييم نئيليم؟

بو آق دري شبيه لعل جانان ائتمه ييم نئيليم؟

قوروموش ني كيمي هر بند بنديمدن چيخار ناله

اسير بند عشقم آه و افغان ائتمه ييم نئيليم؟

چكيبدور سينه مه دود سيه تك آيريلوق داغي

بناسين تيشه آهيله ويران ائتمه ييم نئيليم؟

انيسيم درد و محنت مونسيم غم همدميم ناله

بو جمعيتله دنياني پريشان ائتمه ييم نئيليم؟

دوتولموش خاطريم گؤر اهل شهرون ازدحاميندن

بويور مجنون كيمي عزم بيابان ائتمه ييم نئيليم؟

گؤزوم ياشي آخار هجرينده مرواريد غلطان تك

اوني خون جگرلن قانه غلطان ائتمه ييم نئيليم؟

دئيرلر شربت لعل لبون هر درده درماندور

بولورسن اهل دردم ميل درمان ائتمه ييم نئيليم؟

مني بيجا يئره ائيلر مذمت زاهد بي دين

گورنده كفر زولفون ترك ايمان ائتمه ييم نئيليم؟

ائديبدور باغريمي قان لبلرون قوي بير ايچيم قانين

بو باشسيز مملكتده قانيمه قان ائتمه ييم نئيليم؟

يقينمدور اوركدن چيخسا پيكانون چيخار جانيم

گؤزل جان تك اوني سينه مده پنهان ائتمه ييم نئيليم؟

مني يالقوز گؤرنده تُرك مستين قصد جان ائيلر

خط و خالون خيالين مونس جان ائتمه ييم نئيليم؟

بو بازار محبت ايچره صراف تهيدستم

يتيم درّ اشكي زيب دكان ائتمه ييم نئيليم؟

استاد کریم مشروطه چی دن بیر شعر

خزان اولجاق سوسار بولبول ولي بستاندان آيريلماز

اؤزو ساكت  اولورسا ، فطرتي  داستاندان  آيريلماز

 

منه  غربت  بهشت  اولسا ، نهايتده  غريبم  من

آنايورد قايغيسي، هئچوقت آييق وجداندان آيريلماز

 

وفاني، ظلم ايله سورگون دوشن يوسف دن اؤيرنديم

اؤزو قول تك ساتيلميشسا، اوره ك كنعاندان آيريلماز

 

بلادان جان  قاچيرماز عهدينه  ثابت  قالان  عاشق

آدي اوستونده دير، طوفان قوشو طوفاندان آيريلماز

 

دئسم  جانيم  سنه قربان ، ده گيل  بو  شأنينه  لايق

دئسم كؤنلوم سنه پيشكش، كؤنول كي، جاندان آيريلماز

 

شاخان شيمشكلري سؤندورمه ظالم، سن بيليرسن مي

كي  اودلار اؤلكه  سينده ، اود - الوو  وولقاندان  آيريلماز

 

جهاندا كيم گؤروب قان قارداشي قارداشدان آيريلسين

قورو جان، جاندان آيريلسا ، قيزيل قان قاندان آيريلماز

  

رياسيز عاشق اولسان ، آيريليق افسانه دير ، سؤنمز

حقيقي عشق بير بالدير كي، شهدي شاندان آيريلماز